Բլոգ

SMM ոլորտն օր օրի զարգանում է և մեծանում է ստեղծարար, բազմակողմանի զարգացած SMM մասնագետի պահանջարկը, ով տիրապետում է ոչ միայն SMM այլև մարքեթինգային, թվային մարքեթինգի և հարակից այլ հմտությունների, ունի պրակտիկ գիտելիք և ստեղծարար է: Վստահորեն կարելի է ասել, որ 21-րդ դարը համարվում է սոցիալական ցանցերի դարաշրջան: Այս հարթակներում մենք շփվում ենք ընկերների և հարազատների հետ, նոր տեղեկություններ ստանում, սովորում, զվարճանում, վաճառում…: Սոցիալական ցանցերում վաճառել հնարավոր է գրեթե ամեն ինչ՝ հագուստից մինչև կենդանիների խնամքի ծառայություններ: Հետազոտությունները ցույց են տալիս, որ մարդկանց մեծ մասը նախընտրում են ինֆորմացիա ստանալ սոցիալական կայքերից: Վիճակագրության համաձայն, մարդկանց 90%-ից ավելին նախընտրում է հենց սոցիալական ցանցերի միջոցով տեղեկություններ ստանալ ապրանքանիշի կամ արտադրանքի մասին: Բայց ինչպես անել, որ մարդիկ գտնեն և հետևեն հենց Ձեր ապրանքի կամ ծառայության էջը սոցիալական կայքերում: Այստեղ օգնության է գալիս ՍՄՄ-ը: ՍՄՄ — Սոցիալական Մեդիա Մարքեթինգը բրենդի կամ ապրանքային նշանի նկատմամբ ուշադրության բարձրացմանը և լսարանի մեծացմանը ուղղված գործընթաց է, սոցիալական հարթակների միջոցով։ Այն սոցիալական մեդիայի օգտագործման համալիր է, որի նպատակն է նպաստել կազմակերպությունների առաջխաղացմանը և բիզնես առաջադրանքների իրականացմանը նպաստող միջավայրի ստեղծմանը: Ինչով է օգնում SMM ը բիզնեսին SMM-ը օգնում է աշխատել կոնկրետ թիրաղային լսարանի հետ: Այսինքն հնարավորություն է տալիս բիզնեսին ֆիլտրել և ընտրել այն մարդկանց, ովքեր հետաքրքրված են ձեր ապրանք / ծառայությունով SMM-ը հնարավորություն է տալիս մշակել ռազմավարություն, որը կապ կապահովի կազմակերպության և պոտենցիալ հաճախորդների միջև, ինչը կնպաստի վաճառքների ավելացմանը SMM-ի միջոցով հնարավոր է այնպիսի կոնտենտ պլանի մշակում և իրականացնում, որը կգրավի պոտենցիալ հաճախորդների ուշադրությունը դեպի ձեր պրեդուկտ SMM-ը իրենից ենթադրում է հետադարձ կապի ապահովումը, հաղորդագրությունների և մեկնաբանությունների միջոցով, ինչր ապահովում է սպառողների հետ կապ SMM-ը իրենից ենթադրում է նաև արդյունավետության վերլուծություն: Մշակված ռազմավարության իրականացումից հետո, վերլուծվում և գնահատվում է տվյալ ռազմավարության արդյունավետությունը: Ինչը հնարավորություն է տալիս հասկանալ որ էլեմենտներն են ավելի արդյունավետություն ապահովել, ռազմավարություն մեջ ինչ պետք է փախել, ինչը թողել նույնը: Պրոֆեսիոնալ կերպով մշակված ՍՄՄ ռազմավարությունը կազմակերպությանը տալիս է Նոր հաճախորդներ Եկամուտների բարձրացում Հաճախորդների շրջանում լոյալության բարձրացում ՍՄՄ ամենարդյունավետ միջոցն է պոտենցիալ հաճախորդներին Ձեր բրենդի մասին ինֆորմացնելու և բրենդի լոյալությունը բարձրացնելու համար: SMM ոլորտում արդյունավետության հասնելու և մրցակցային մասնագետ դառնալու համար անհրաժեշտ է լինել բազմակողմանի զարգացած, տիրապետել թվային տեխնոլոգիաների նորարարական մոտեցումներին, կարողանալ բիզնեսում օգտագործել թվային լուծումներ, որոնք կօգնեն այն դուրս հանել միջազգային շուկա և ունենալ բարձր մրցակցայնություն:

Ցանկացած կազմակերպության հաջողությունը կախված է նրանից, թե ինչքանով է իր կոզմից առաջարկվող ապրանքը կամ ծառայությունը համապատասխանում գնորդների պահանջմունքներին: (Մարքեթինգային հետազոտություններ): Հենց այդ նպատակով են իրականացվում մարաքեթինգային հետազոտությունները, որոնք նպաստում են կազմակերպության հետագա առաջխաղացմանը: Հետազոտությունը թույլ է տալիս ղեկավարությանը կայացնել հիմնավորված որոշումներ, կապված զբաղեցրած դիրքի հետ և նվազագույնի հասցնել շատ ռիսկեր: Ավելին, մարքեթինգային հետազոտությունը հնարավորություն է տալիս ստանալ շուկայի մասին ավելի ճշգրիտ և արդի տեղեկատվություն `որոշակի ապրանքի պահանջարկը որոշելու հնարավորությամբ, ինչն էլ իր հերթին օգնում է որոշել սպառողի հիմնական պահանջները: Մարքեթինգային հետազոտությունը մարքեթինգային խնդիրների իդենտիֆիկացման և լուծման արդյունավետության բարձրացման նպատակով տեղեկատվության համակարգված և օբյեկտիվ հավաքագրումը, վերլուծումը, տարածումը և կիրառումն է։ Մարքեթինգային հետազոտությունները ըստ նպատակի դասակարգվում են հետևյալ կերպ. հետազոտություններ, որոնք կատարվում են հիմնախնդրի բացահայտման համար հետազոտություններ, որոնք կատարվում են հիմնախնդրի լուծման համար։ Մարքեթինգային հետազոտությունների պրոցեսը բաղկացած է 6 փուլերից. հիմնախնդրի սահմանում հիմնախնդրի լուծման մոտեցման մշակում հետազոտությունների պլանի մշակում տեղեկատվության հավաքագրում տվյալների պատրաստում և վերլուծություն հաշվետվության պատրաստում և ներկայացում։ Մարքեթինգային հետազոտությունների ընթացքում ձեռք բերված առաջնային կամ երկրորդային տեղեկատվության վերլուծության հիման վրա կայացվում են ռազմավարության մասով կարևոր որոշումներ։ Մարքեթինգային հետազոտություները լինում են որակական կամ քանակական։ Հետազոտություների տեսակը և ինֆորմացիայի հավաքագրման եղանակը կախված են հետազոտության նպատակից։ Մարքեթինգային հետազոտություններ — Տեսակները Մարքեթինգային հետազոտությունները բաժանում են 2 տեսակի՝ առաջնային և երկրորդային: Առաջնային հետազոտության ժամանակ ինֆորմացիան հավաքվում է հենց սկզբնաղբյուրից, անմիջապես թիրախային լսարանից: Այստեղ կարելի է կիրառել ֆոկուս խմբերը, հարցում հեռախոսով կամ ինտերնետով — ցանկացած մեթոդ, որը թույլ կտա ստանալ թիրախային լսարանի կարծիքը, նախասիրությունները, արձագանքները: Երկրորդային հետազոտության ժամանակ վերլուծվում է արդեն նախապես հավաքագրված տեղեկատվությունը: Նման հետազոտությունները հիմնականում օգտագործվում են մրցակիցներին ուսումնասիրելու համար: Հետազոտության իրականացման քայլերի հաջորդականությունը հետևյալն է Թիրախային լսարանի ընտրություն Ռեսպոնդենտների ընտրություն Մասնակիցների ներգրավում Հարցերի նախապատրաստում Հարցումի տեսակի ընտրություն Հետազոտության անցկացում և արդյունքների վերլուծություն Հաշվետվության կազմում Մարկետինգային հետազոտությունները պետք է անցկացնել պարբերաբար, նույնիսկ եթե կարծում եք, որ արդեն ուսումնասիրել եք ձեր թիրախային լսարանը ամբողջությամբ: Ժամանակի ընթացքում պահանջմունքները կարող են փոխվել, մոտիվացիաները հաստատուն չեն բացի այդ, ժամանակ առ ժամանակ շուկա կարող է մտնել նոր ապրանք, որի արձագանքները հնարավոր չի իմանալ առանց հետազոտության: (Մարքեթինգային հետազոտություններ) Պրոֆեսիոնալ իրականացված մարքեթինգային հետազոտություները միայն կնպաստեն Ձեր կազմակերպության առաջխաղացմանը:

Ցանկացած բիզնեսի զարգացման համար կարևոր դեր ունի մարքեթինգային ռազմավարությունը։ Մասնավորապես, ռազմավարության նպատակն է կազմակերպության գործունեության ուղղվածության հստակեցումը, կազմակերպության նպատակների շուրջ թիմային համաձայնությունն ու ընդհանուր ընկալումը, որը նպաստում է կազմակերպության արդյունավետության բարելավմանը։ (Ռազմավարությունների մշակում) Մարքեթինգային ռազմավարությունը ծառայում է նաև որպես կազմակերպության արտաքին հաղորդակցության և մարքեթինգի գործիք և օգնում է կազմակերպության ծրագրերի մշակմանը՝ ներառելով կազմակերպության գործունեության ոլորտում առկա կարիքների և կազմակերպության շահառուների կարիքների ուսումնասիրումը։ Մարքեթինգային ռազմավարությանը մշակվումը պահանջում է տարբեր հետազոտությունների անցկացում և արդյունքների ամփոփում: Մարքեթինգային ռազմավարության հանրային տարբերակը կարող է տարբերվել կազմակերպության աշխատանքային տարբերակից և հասցեագրել այն հարցերը, որոնք կարևոր են կազմակերպության համար արտաքին հաղորդակցության տեսանկյունից։

SEO Ծառայություն իրենից ներկայացնում է կայքի որոնողական համակարգի օպտիմալացումը, որոնողական համակարգերում կայքի դիրքերի բարձրացման գործընթաց։ SEO Ծառայությունը ենթադրում է  միայն օրգանիկ դիտումների ապահովում և չի ներառում վճարված դիտումները։ SEO-ի միջոցով բարձրացվում է կայքի վարկանիշը որոնողական համակարգերում, որն էլ  իր հերքին մեծացնում է որոնողական համակարգերից կայքի այցելուների քանակը: Որոնողական համակարգերից կայքի այցելուների մեծ մասը վերածվում են հաճախորդների, քանի որ այդ այցելուները կայքում հայտնվել են կոնկրետ հարցման արդյունքում: Ով է SEO մասնագետը SEO մասնագետի կարևոր գործառույթներից է ուսումնասիրել, թե ինչպես են աշխատում որոնողական համակարգերը, համակարգչային ալգորիթմները, որոնք թելադրում են որոնողի վարքագիծը, որոնողական համակարգերում մուտքագրված բանալի բառերը, և որ որոնողական համակարգերն է թիրախային լսարանը նախընտրում։ Կոնտենտի համապատասխանեցումը SEO ին Կայքի օպտիմիզացումը կարող է ներառել կոնտենտի ավելացում և խմբագրում, HTML-ի և ծրագրավորման կոդի փոփոխում՝ կայքի կոնտենտի համապատասխանությունը կոնկրետ բանալի բառերին բարձրացնելու և որոնողական համակարգերում ինդեքսավորման խոչընդոտները վերացնելու համար (կայքի «տեխնիկական օպտիմիզացիա»)։ SEO-ի կարևոր մարտավարություններից են նաև. կայքի նեքին և արտաքին հղումների թվի աճը (link-building, internal re-linking, backlink building): Сrawlers Որոնողական համակարգերը, որոնման ընթացքում էջեր գտնելու համար իրենց ալգորիթմներում օգտագործում են որոնիչներ (crawlers): Այն էջերը, որոնք կապված են որոնողական համակարգերում ինդեքսավորված այլ էջերի հետ, կարիք չունեն ներկայացվել, քանի որ ավտոմատ կերպով երևում են։ Որոնողական համակարգերի որոնիչները (crawlers) կայքում շրջելիս կարող են դիտարկել մի շարք տարբեր գործոններ։ Ոչ բոլոր էջերը կարող են ինդեքսավորվել որոնողական համակարգերի կողմից։ Մոբայլ ադապտացիա Այսօր մարդկանց մեծ մասը որոնում է բջջային հեռախոսներ միջոցով։ Որոնողական համակարգերը փոփոխություններ կատարեցին կայքերի ուսումնասիրման մեջ և առաջնային դարձրեց կայքերի բջջային տարբերակների ինդեքսավորումը։ Սա նշանակում է, որ Ձեր կայքի բջջային տարբերակը դառնում է մեկնարկային կետ որոնողական համակարգերի կողմից կայքի ինդեքսավորման գործընթացում։ SEO — որոնման արդյունքներում կայքերի տեսանելիության բարձրացման տարբեր եղանակներ կան։ Միևնույն կայքի էջերի միջև խաչաձեւ կապը կարևւոր էջերի համար ավելի շատ հղումներ ապահովելու համար կարող է բարելավել կայքի տեսանելիությունը։ Կայքի կոնտենտը, որը պարունակում է հաճախակի որոնված բանալի բառեր՝ համապատասխան որոնման արդյունքներին, նույնպես կարող է խթանել կայքի տեսանելիության բարձրացմանը։ Կոնտենտի թարմացվումը այնպես, որպեսզի որոնողական համակարգերը հաճախակի այցելեն կայք, նույնպես կարող է ազդել տեսանելիության բարձրացման վրա։ Համապատասխան բանալի բառերի ավելացումը վեբ էջի մետատվյալներում՝ ներառյալ մետա վերնագիրը և մետա նկարագրությունը, կբարելավեն կայքի որոնման ցանկերը, դրանով իսկ մեծացնելով տեսանելիությունը։ Օրեցօր ավելի է մեծանում SEO-ի դերը և կարևորությունը բիզնեսի զարգացման գործընթացում։ Այն արդեն իսկ դարձել է թվային մարքեթինգի ամենաօգտագործվող ռազմավարություններից մեկը` դրա արդյունավետության պատճառով։ SEO-ի առավելություններն են՝ Տեսանելիության բարձրացում, Որոնման արդյունքների միջոցով վստահության ձևավորում, Նվազագույն ծախսերով կայքի այցելությունների թվի աճ, Նոր հաճախորդների ներգրավվում, Առցանց երկարաժամկետ ներկայություն ձևավորում։ SEO-ն կարող է առաջատար դարձնել ձեզ մրցակցության ժամանակ։ Եթե երկու վեբ կայքեր վաճառում են նույն ապրանքը, ապա օպտիմալացված կայքը, ամենայն հավանականությամբ, ավելի շատ հաճախորդներ կունենա և ավելի շատ վաճառքներ կկատարի։

Ռեստորանի մարքեթինգը ունի շատ յուրահատուկ նրբություններ, որոնցով պայմնավորված մի շարք մարքեթինգային գործիքներ, որոնք այլ ոլոտներում արձանագրել են լավ արդյունքներ, այս պարագայում կարող են ընդհանրապես չաշխատել: Հոդվածում մենք առանձնացրել ենք մարքեթինգային այն գործիքները, որոնք բազմաթիվ օրինակներով ապացուցել են իրենց բարձր արդյունավետությունը` ռեստորանային մարքեթինգի դեպքում: 1. Քարտեզները, որպես ռեստորանային մարքեթինգի լուծում Yandex Maps, Google Maps, 2GIS — ընտրեք այն քարտեզները որոնք ավելի շատ են օգտագործվում Ձեր թիրախային լսարանի կողմից: Հետազոտությունները ցույց են տալիս, որ հաճախ մարդիկ ռեստորան կամ սննդի կետ փնտրում են հենց քարտեզների միջոցով: 2.Արագ հետադարձ կապ Իրական դեպք. մեծ ռեստորանային ցանցի այցելուն դժգոհ էր իր պատվերի պատրաստման ժամանակից: Նա իր դժգոհություն մատուցողին հայտնելուց և սպասարկման որակում փոփոխություն չնկատելուց հետո, անմիջապես, առանց սեղանից վեր կենալու, բացասական մեկնաբանություն է թողնում ռեստորանի էջում: 15 րոպեյի ընթացքում նույն մատուցողը մոտենում է նրան, ներողություն խնդրում թյուրիմացության համար և հյուրասիրում աղանդեր։ Ինչից հետո ներողությունը ընդունվում է այցելույի կողմից, իսկ բացասական կարծիքը՝ հեռացվում։ Այսպիսով, եթե Ձեր մասնագետը արագ արձագանքի, ապա աշխատանքային պրոցեսում առկա փոքր թերությունները ավելի հեշտ կլինի շտկել։ 3. Գովազդ այնտեղ, որտեղ լինում են Ձեր պոտենցիալ հաճախորդները Օրինակ՝ դուք ղեկավարում եք սրճարան, որտեղից հնարավոր է գնել սենդվիչ և սուրճ, ճանապարհին ուտելու համար: Այս դեպքում, Ձեր լսարանը մարդիկ են, ովքեր շտապում են աշխատանքի: Որպեսզի խրախուսեք նրանց այցելել Ձեր հաստատություն, կարելի է ինֆորմատիվ թռուցիկներ բաժանել հասարակական տրանսպորտի մոտակա կանգառներում կամ մեծ ավտոկայանատեղերի կողքին: Եվս մեկ օրինակ՝ ընտանեկան ռեստորան՝ հատուկ մանկական ճաշացանկով և խաղահրապարակով: Ուշադրություն դարձրեք մոտակայքում գտնվող այգիներին և առևտրի կենտրոններին։ Գովազդային պաստառները, որոնք ցույց են տալիս դեպի Ձեր ռեստորան ուղղությունը և հեռավորությունը, կարող են շատ նոր մարդկանց գրավել: Եվ այսպես շարունակ։ Մտածեք, թե ովքեր են Ձեր թիրախային լսարանը: Փորձեք պատկերացնել նրանց մոտավոր երթուղին։ Եվ միայն հետո զբաղվեք գովազդի տեղադրումով։ 4. Թեմատիկ միջոցառումները որպես ռեստորանային մարքեթինգի գործիք Նոր տարի, Վալենտին, Հելոուին։ Միգուցե պոտենցյալ այցելուները քաղաքի մյուս ծայրից չգան Ձեզ մոտ ընդմիջման, բայց թեմատիկ երեկույթի դեպքում դա միանգամայն հնարավոր է: Ռեստորանը պետք է մշտական վայր դառնա քաղաքային համայնքի որոշ խոշոր իրադարձությունների համար: Երբ հաստատությունը դառնում է ինչ-որ ենթամշակույթի մաս, դա ընդլայնում է վերջինիս ապահովության սահմանները: 5. Հավատարմության ծրագիր Զեղչեր, միավորների կուտակային համակարգ, բոնուսներ, կան այցելուների հետ կապի ստեղծման և պահպանման բազմաթիվ հնարքներ։ Օրինակ, կան այսպիսի պատրաստի տարբերակներ, ինչպիսիք են՝ MCRM, Starter։ Բացի այդ, դուք միշտ կարող եք պատվիրել անհատական հավատարմության ծրագրի մշակում հատուկ Ձեր բիզնեսի համար, կախված Ձեր թիրախային լսարանից: 6. Սեփական կայք Մեր իրականությունում դժվար է պատկերացնել ռեստորանային բիզնես, որը չունի պաշտոնական վեբ կայք, հատկապես, եթե այն մատուցում է առաքման ծառայություն: Բարձրորակ ինտերնետային ռեսուրսը նպաստում է ռեստորանային բիզնեսի առաջխաղացմանը և հաճախորդների բազայի ավելացմանը: Ինչպե՞ս: Պոտենցիալ հաճախորդը շատ հաճախ այս կամ այն ռեստորան այցելելուց առաջ, որոնողական համակարգում կփնտրի այն, օրինակ՝ «քաղաքի ամենահամեղ սթեյքը» կամ «գեղեցիկ ռեստորան կենտրոնում» և ընտրություն կանի որոնողական համակարգի առաջին մի քանի տարբերակներից: Իհարկե, դրա համար ռեսուրսը պետք է լինի SEO-ով օպտիմիզացված։ Ծանոթացեք մեր կողմից մատուցվող SEO ծառայությանը 7. Սննդի առաքման ծառայություններ Ռեստորանային մարքեթինգի ժամանակ, պետքէ առավել ուշադրություն դարձնել սննդի առաքման հիմնական ծառայությունների վրա, օրինակ՝ Menu.am, Yandex Eats կամ Glovo: Այս ծառայություններից օգտվում են հազարավոր մարդիկ, որոնցից շատերը կարող են պատկերացում չունենալ Ձեր ռեստորանի մասին, բայց ապրել և աշխատել մոտակայքում: Բայց երբ նրանք տեսնեն Ձեր անունը կատալոգում և անցնեն հղումով շատ մեծ հավանականություն կա, որ կդառնան Ձեր հաճախորդը։ Ճիշտ է, նման ագրեգատորների վրա հիմնարկների միջև մրցակցությունը նույնպես շատ մեծ է։ Պատրաստ եղեք ներդրումներ կատարել կայքում առաջխաղացման համար: Այդ նպատակով սովորաբար տրամադրվում են հատուկ գործիքներ: 8. Թիրախավորված գովազդ Թիրախավորված գովազդը սոցիալական ցանցերում և որոնողական համակարգերում, գովազդի տարածված տեսակներից է։ Ռեստորանային մարքեթինգի դեպքում պետք է հաշվի առնել նաև դեմոգրաֆիկ առանձնահատկությունները: 9. Կոմերցիոն լուսանկարներ Բարձրորակ և «համեղ» լուսանկարները ռեստորանային մարքեթինգի լավագույն լուծումներից են։ Նույնիսկ եթե մարդը չի պլանավորել պիցցա պատվիրել, «ախորժելի» նկարը կարող է ստիպել նրան փոխել իր կարծիքը։ Այդ իսկ պատճառով ցանկացած գովազդ, սոցիալական ցանցերում գրառումներ, թռուցիկներ պետք է պարունակեն լուսանկարներ։ Ավելին, շատ ցանկալի է այս հարցում ներգրավել պրոֆեսիոնալ լուսանկարիչ, ով մասնագիտացված է սննդի լուսանկարչության մեջ: Ծանոթացեք մեր նկարահանման ծառայություններին 10. Սոցիալական ցանցեր «Ընկերացեք» սոցիալական ցանցերի հետ, հատկապես նրանց, որոնք առավել տարածված են Ձեր տարածաշրջանում։ Ի՞նչ է նշանակում «ընկերանալ»: Ռեստորանային մարքեթինգի դեպքում այն նշանակում է ունենալ ներկայանալի էջ սոցիալական հարթակներում, որը կներկայացնի Ձեզ թիրախային լսարանին, կապահովի վերջինիս հետ կապ և կնպաստի լոյալության բարձրացմանը:

4P մարքեթինգային ընկերությունը առաջարկում է Գաղտնի գնորդ հետազոտություն, որը իր մեջ ներառում է ընկերությունում առկա խնդիրների բացահայտում և դրանց լուծմանն ուղղված ռազմավարության մշակում: Գաղտնի գնորդ (Mystery shopper), մարքեթինգային հետազոտության մեթոդ է, որն օգնում է  ընկերությանը սպառողի տեսանկյունից գնահատել պրոդուկտը կամ սպասարկման որակը։ Հետազոտության արդյունքում ստացված տվյալներն հետագայում օգնում են ընկերությանը այնպիսի հարցերում, ինչպիսիք են սպասարկման որակի բարձրացումը, կորպորատիվ մշակույթի պահպանումը, ընկերության լոյալության աստիճանի բարձրացումը, ընկերության պրոդուկտների ճիշտ ներկայացում, որոնք իրենց հերթին բերում եմ ընկերության դիրքերի ամրապնդման և առաջընթացի: Գաղտնի գնորդ (Mystery shopper), մարքեթինգային հետազոտության մեթոդ է, որն օգնում է  ընկերությանը սպառողի տեսանկյունից գնահատել պրոդուկտը կամ սպասարկման որակը։ Հետազոտության արդյունքում ստացված տվյալներն հետագայում օգնում են ընկերությանը այնպիսի հարցերում, ինչպիսիք են սպասարկման որակի բարձրացումը, կորպորատիվ մշակույթի պահպանումը, ընկերության լոյալության աստիճանի բարձրացումը, ընկերության պրոդուկտների ճիշտ ներկայացում, որոնք իրենց հերթին բերում եմ ընկերության դիրքերի ամրապնդման և առաջընթացի: Գաղտնի գնորդի իրականացման ամենատարածված պրակտիկան այն է, երբ վերապատրաստված հետազոտողները հանդես են գալիս որպես սովորական գնորդ և ապրանքը կամ ծառայությունը ձեռք բերելու ընթացքում բացահայտում աշխատակիցների աշխատանքային թերությունները և թերացումները: « Գաղտնի գնորդ »-ը հաճախորդ և ընկերության աշխատակից փոխհարաբերությունների մակարդակը պարզելու ամենաարդյունավետ մեթոդն է։ Գաղտնի գնորդի (Mystery shopper) առաջադրանքը ունենում է տարբեր ձևեր,  ապրանքը գնելուց, մինչև ապրանքը խանութից աննկատ դուրս բերելու փորձ և կոնֆլիկտային իրավիճակի ստեղծում: Հետազոտության մեթոդը հիմնականում կախված է պատվիրատուի կողմից առանձնացված խնդիրներից։ Բազմաթիվ խոշոր ընկերություններ իրենց սպասարկումը պահում են բարձր մակարդակի վրա, պարբերաբար Գաղտնի գնորդի (Mystery shopper) իրականացնելու շնորհիվ։ Գաղտնի գնորդ հետազոտության իրականացման փուլերն են Նախապատրաստական փուլ Սցենարների և հարցաշարերի մշակում և հաստատում պատվիրատուի հետ Հարցազրուցավարների / գաղտնի գնորդների հավաքագրում և հրահանգավորում Գաղտնի գնորդ հետազոտության այցերի իրականացում Այցերի ուղղությունների և սցենարների պլանավորում Պիլոտային այցերի իրականացում Նախնական արդյունքների վերլուծություն Այցերի իրականացում Արդյունքների ստուգում Գաղտնի գնորդ հետազոտության տվյալների ամփոփում / վելուծություն և հաշվետվության կազմում Տվյալների բազայի պատրաստում Տվյալների ամփոփում և վերլուծություն՝ համապատասխան հետազոտության նպատակի Խնդիրների առանձնացում Խնդիրների վերացման նպատակով առաջարկների մշակում Սպասարկման որակը բարձրացնելու նպատակով այլ քայլերի / գործողությունների առաջարկում Վերջնական հաշվետվության տրամադրում

Թվային մարքեթինգը դա ապրանքի կամ ծառայության թիրախավորված և ինտերակտիվ մարքեթինգն է, տվային տեխնոլոգիաների միջոցով: Թվային մարքեթինգի հիմնական տարբերություը կիրառվող գործիքակազմը, թիրախավորման ռազմավարություները և վերլուծությունների հնարավորությունները: Օրինակ՝ նույն բաններային գովազդները կան փողոցներում և կան նաև տարբեր կայքերում։ Թե քանի հոգի տեսավ այն փողոցում կարելի է մոտավոր գնահատել միայն տեսախցիկների առաջ ժամեր անցկացնելուց հետո։ Բայց ինտերնետում տեղադրված գովազդային բաների համար կան՝ Google Analytics-ի պես գործիքներ, որոնք օգտատերերի և նրանց վարքագծի մասին մանրամասն տեղեկություն են տրամադրում։ Թվային մարքեթինգում ավելի հեշտ է հետևել գովազդի արդյունավետությանը, քան օֆֆլայն մարքեթինգում։ Թվային մարքեթինգը հիմնական ունի հետևյալ տեսակները SMM (Social Media Marketing) E-mail մարքեթինգ Քոնթենթ մարքեթինգ Inbound մարքեթինգ SEՕ (Search Engine Optimization) Affiliate մարքեթինգ Մոբայլ մարքեթինգ Ինֆլյուենսեր մարքեթինգ SMM (Social Media Marketing) Սոցիալական ցանցերում իրականացված գործողությունները, որոնք հանգեցնում են վաճառքի աճին կամ օգնում, որ բրենդը ճանաչելի դառնա՝ հայտնի է որպես SMM մարքեթինգ։ Ըստ տարբեր տվյալների՝ սոցցանցերում այսօր գրանցված է ամբողջ աշխարհի մարդկության կեսից ավելին (4.62 միլիարդ մարդ՝ 58,4%)։ E-mail մարքեթինգ Այս դեպքում արդեն սեգմենտավորված օգտատերերի խմբին ուղարկվում է էլեկտրոնային նամակ-առաջարկ, օրինակ՝ գնելու ինչ-որ ապրանք կամ ծառայություն զեղչված արժեքով։ Օգտատերն ընտրվում է ըստ իր նախկին վարքագծի կամ նախասիրությունների։ Նա պիտի ինքնակամ տրամադրի իր էլ.հասցեն, որպեսզի ընկերությունը կարողանա այն օգտագործել կոմերցիոն նպատակներով։ Սա, կարելի է ասել, թվային մարքեթինգի անհատական տարբերակն է։ Քոնթենթ մարքեթինգ Այս մեկը կապ ունի թվային մարքեթինգի բոլոր տեսակների հետ։ Բրենդի ընդհանուր մարքեթինգային ռազմավարությանը և ֆիրմային ոճին համապատասխան վիզուալ և տեքստային բովանդակության ստեղծումը հենց քոնթենթ մարքեթինգն է։ Դու կարող ես հիանալի տեսանյութեր նկարել, կրեատիվ նկարներ պատրաստել կամ գրագետ տեքստեր գրել և չհամարվել քոնթենթ ստեղծող, քանի որ այստեղ առաջնայինը մարքեթինգային գիտելիքներն են։ Inbound մարքեթինգ Սա օնլայն մարքեթինգի տարբեր տեսակների խառնուրդ է, որտեղ օգտագործվում են SEO, բլոգփոստեր, e-mail և շատ այլ ռազմավարություններ, որոնց միջոցով օգտատերերին տրվում է օգտակար քոնթենթ՝ պոտենցիալ հաճախորդների թիվն ավելացնելու համար։ Կարելի է ասել, որ այստեղ օգտագործվում են բոլոր թույլատրելի և չզզվեցնող ռազմավարությունները։ SEՕ (Search Engine Optimization) Որոնողական համակարգերում վճարովի մարքեթինգ ևս հնարավոր է իրականացնել։ Այն իր մեջ ներառում է հիմնականում Yandex Direct և Google Ads գովազդները։ Մարքեթինգի այս տեսակի նպատակն է որքան հնարավոր է քիչ գովազդային բյուջեով այնպես անել, որ հնարավորինս շատ մարդ տեսնի տվյալ առաջարկը։ Վճարովի լինելով հանդերձ՝ այն օգնում է հետագայում ավելի շուտ հայտնվել որոնողական համակարգերի թոփում՝ օրգանիկ կերպով։ Affiliate մարքեթինգ Սա աֆիլեյթների՝ գործընկերների, օգնությամբ բրենդի առաջխաղացումն է։ Սովորաբար, ընկերությունն իր գործընկերներին տալիս է տոկոսային փոխհատուցում՝ իր ապրանքը կամ ընկերությունը տվյալ հարթակում գովազդելու և առաջխաղացնելու հետևանքով իրականացված յուրաքանչյուր վաճառքից։ Մոբայլ մարքեթինգ Սա push notification-ների, sms հաղորդագրությունների, QR կոդերի, սոցցանցերում կամ այլ եղանակներով իրականացվող մարքեթինգն է՝ բջջային հեռախոսների օգտատերերի համար։ Վերջինս կարող է լինել և’ սմարթֆոն, և’ սովորորական բջջային հեռախոս։ Ինֆլյուենսեր մարքեթինգ Շատ տարածված է ամբողջ աշխարհում։ Սա ինչ-որ չափով affiliate մարքեթինգի տեսակ կարելի է համարել, քանի որ մարդ, ով ունի մեծ քանակի լոյալ հետևորդներից կազմված լսարան, խորհուրդ է տալիս պրոդուկտ կամ ծառայություններ գնել և գումար է ստանում դրա դիմաց։ Հատկապես համացանցի միջոցով առաջխաղացումն այսօր չի կարող գովազդատուներին չգրավել, քանի որ փոքր ժամանակահատվածում ապահովում է հասանելիություն դեպի միլիոնավոր մարդկանցից կազմած թիրախային լսարան:

Բրենդը թարգմանվում է որպես «նշան», «ապրանքային նշան», «խորհրդանիշ», և այն անմիջականորեն կապված է առաջարկվող ապրանքների կամ ծառայությունների նույնականացման հետ: Այսինքն, բրենդինգը ապրանքային նշան ստեղծելու և շուկայում զարգացնելու գործընթաց է: Պարզ իմաստով ՝ բրենդինգը գործունեությունների մի ամբողջականություն է, որոնք վիզուալիզացնում են պրոդուկտը նպատակային լսարանի համար: Բրենդինգ ը դա ապրանքային նշանի ստեղծման և կառավարման պրոցեսն է: Բրենդինգ – նպատակը Բրենդինգի միջոցով ստեղծվում է ընկերության, արտադրանքի կամ ծառայության վիզուալ պատկերը: Այն շուկայում ապրանքի դիրքավորման, թիրախային լսարանի հետ կապի  հաստատման և առաջխաղացման համար է: Բրենդինգի ժամանակ կատարվում են հետևյալ աշխատանքները. Շուկայի հետազոտություն Ապրանքի կամ ծառայության դիրքավորման ռազմավարության մշակում Նեյմինգ, վիզուալ այդենտիկայի մշակում, ֆիրմային էլեմենտների ընտրություն Բրենդի ադապտացումը թվային հարթակներին, որտեղ օգտագործվելու է բրենդը Բրենդինգի ուղությունները Բրենդինգը կատարվում է հետևյալ ուղոություններով Ապրանքի բրենդինգ Ծառայությունների բրենդինգ Անձի բրենդինգ Ներքին բրենդինգ Քաղաքական բրենդինգ Աշխարհագրական կամ տուրիստական բրենդինգ Ապրանքի բրենդինգի ժամանակ ստեղծվում և խթանվում է մեկ կամ մի քանի ֆիզիկական արտադրանքի անվանման վիզուալ պատկերները: Դրան հիման վրա է կառուցվում կազմակերպության ենթամշակույթը և կառուցվածքը: Ծառայությունների բրենդինգը ուղված է ծառայություների այդենտիկայի ստեղծմանը և առաջխաղացմանը: Անձի բրենդը շատ տարածված է վերջին ժամանակներս, դրա վառ օրինակն են բլոգերները: Անձի բրենդինգը, հիմա ամենատարածված և պահաջված տեսակներից է, դրա պատճառով այն պահանջում է ավելի համակարգված մոտեցում: Ներքին բրենդինգը դա բրենդի նկատմամբ վերաբերմունքի կառավարումն է, կազմակերպության ներսում: Քաղաքական բրենդինգը ծառայում է քաղաքական գործիչների և կուսակցությունների ճանաչելիության բարձրացմանը: Աշխարհագրական կամ տուրիստական բրենդինգը ուղված է կոնկրետ տարածքում զբոսաշրջության կամ ներդրումների ավելացմանը: Բրենդինգի կիրառման ուղությունները շատ դինամիկորեն զարգանում են, և  շատ կարևոր է տրապետել թրենդային մեթոդներին: Բրենդինգ – փուլերը Բրենդի ստեղծման ալգորիթմը, գրե թե բոլոր ոլորտներում նույն է: Տարբերվում են միայն որոշ դետալները և որոշ իմաստային բաղադրիչներ, իսկ քայլերի հերթականությունը բոլոր դեպքերում, գրե թե նույն են: Շուկայի ուսումնասիրություն Կոնցեփցիայի մշակում և դիրքավորում Այդենտիկայի էլէմենտների նախապատրաստում Առաջխաղացում Արդյունքների վերլուծություն Բրենդինգ – փաստաթղթավորում Ֆիրմային ոչի ճիշտ օգտագործման կանոները արտացոլվում են հետևյալ փաստաթղթերում Բրենդբուք Գայդլայն Ռեբրենդինգ Ռեբրենդինգը իրենից ենթադրում է բրենդի ամբողջական կամ մասնակի տրանսֆորմացիան: Ռեբրենդինգը անցկացվում է միայն ոճի, ROI-ի և այլ ցուցանիշների աուդիտից հետո: Մեծամասամբ ռեբրենդինգի անհրաժեշտությունը առաջանում է այն ժամանակ երբ Դիրքավորումը, սկզբնական շրջանում, սխալ է արված եղել Շուկայի պահանջները փոխվել են և անհրաժեշտ է ադապտացիա Թիրախային լսարանի մոտ բրենդը ունի ցածր ճանաչելիություն Մրցակիցները շատ ավելի ուժեղ են Կազմակերպության նպատակները և հեռանկարները փոխվել են Մասնակի ռեբրենդինգը իրենից ենթադրում է լոգոտիպի, ֆիրմային տառատեսակների կամ գույների փոփոխություն: Ամբողջական ռեբրենդինգի ժամանակ փոխվում են այդենտիկայի բոլոր բաղադրիչները: Ինչպես պրոֆեսիոնալ բրենդինգը կարող է նպաստել ձեր բրենդի առաջխաղացմանը, այնպես էլ ոչ պրոֆեսիոնալ բրենդինգը կարող է ունենալ հակառակ էֆեկտը: Դրա համար շատ կարևոր է բրենդինգը վստահել պրոֆեսիոնալ թիմին:

Գովազդային արշավը ունենում է հետևյալ 3 հիմնական նպատակները՝ իմիջային, խթանող կայունացնող Գովազդային արշավների հիմնական նպատակներն են հաճախորդների շրջանում արտադրանքի ճանաչման և հիշեցման էֆեկտի զարգացումը, արտադրանքի վերաբերյալ իրազեկվածության համապատասխան աստիճանը, արտադրողի (վաճառողի) դրական իմիջը, արտադրանքը ձեռքբերելու անհրաժեշտությունը և արտադրանքների պահանջարկի մեծացումը, ներգրավել նոր սպառողներ և միևնույն ժամանակ պահպանել առկա սպառողներին Գովազդային արշավը, դա պլանավորված գովազդային գործողությունների նպատակային համակարգ է, որը միավորված է մեկ գաղափարով և հայեցակարգով` գովազդատուի համաձայնեցված մարքեթինգային ռազմավարության շրջանակներում որոշակի մարքեթինգային նպատակին հասնելու համար` նախնական վերլուծությամբ սահմանված ժամանակի, գործողության ոլորտի, շուկայի և թիրախային լսարանի շրջանակներում: Գովազդային արշավի փուլերը Գովազդը ներառում է մի քանի փուլ՝ առաջադրանքից մինչև գործունեության արդյունքների վերլուծություն։ Ապրանքի/ծառայության առաջխաղացման արշավ ստեղծելու գործընթացը հետևյալն է Իրավիճակային վերլուծություն — Այս փուլում իրականացվում է շուկայի, թիրախային լսարանի մարքեթինգային վերլուծություն։ Մասնագետները որոշում են թիրախային լսարանի նախնական գիտելիքները գովազդվող ապրանքի կամ ապրանքանիշի, մրցակիցների գործունեության և խորշի հեռանկարների մասին: Այս ամենը թույլ է տալիս մշակել նախնական հայեցակարգը և խթանման ռազմավարությունը: Ռազմավարության մշակում — Ոլորտի և մրցակիցների հետազոտության արդյունքների հիման վրա շուկայավարները ստեղծում են գործողությունների ծրագիր: Այն ներառում է քարոզարշավի նպատակների, ժամկետների, ինտենսիվության, ֆինանսական ներդրումների ճշգրիտ սահմանումը: Գովազդային արշավ — Ռազմավարական պլանավորումից հետո հաջորդ փուլը կոնցեպտի/հայեցակարգի մշակումն է, որը ներառում է ընդհանուր պատկերացում գովազդային արշավի բոլոր գործողությունների, գաղափարների և փաստարկների մասին: Բրիֆի և մարքեթինգային հետազոտությունների հիման վրա ստեղծվում են դասավորություններ, աուդիո և վիդեո շնորհանդեսներ, բաններներ և այլ ապրանքներ: Ծրագրի իրականացում — Այս փուլում նյութեր են նախապատրաստվում գովազդային կրիչներին տեղադրելու համար, որոնք ընտրվել են խթանման ռազմավարության պլանավորման փուլում: Մեդիապլանի համաձայն՝ գնվում են թերթերում տեղեր, եթերաժամանակ հեռուստատեսությամբ և ռադիոյով, տպագրվում են տպագրական նյութեր։ Ներդրման/իրականացման մասնագետները վերահսկում են առաջխաղացման, միջոցառումների կազմակերպման գործընթացը։ Արդյունքների վերլուծություն — Գովազդային արշավը վերլուծվում է արդյունավետության համար: Մասնագետները ստուգում են՝ լուծվե՞լ են ռազմավարական պլանավորման խնդիրները, որ կապուղիներն են դրական արդյունք տալիս, որոնք պետք է թարմացվեն կամ անջատվեն։ Վերլուծության համար նրանք օգտագործում են հետազոտության տվյալները, ինտերնետ ծառայությունները, վերահսկում են իրավիճակը շուկայում։ Գովազդային արշավի շտկում/ուղղում — «Սխալների վրա աշխատելուց» հետո գովազդային արշավը ենթակա է շտկման/ուղղման։ Փոփոխություններ են կատարվում դիրքավորման, տեսողական պատկերի, կարգախոսի, առաջխաղացման ռազմավարության մեջ: Բյուջեն հատկացվում ու տեղաբաշխվում է ավելի արդյունավետ կապուղիներին։ Գովազդային արշավի պրոցեսի մասնակիցները Հիմնական դերակատարներն են՝ գովազդատուն, արտադրողը, տարածողը և գովազդի ստացողը, ովքեր ունեն տարբեր գործառույթներ և առաջադրանքներ։ Գովազդատու — ապրանքի վաճառող, արտադրող, կազմակերպություն: Հիմնական գործառույթներն են՝ գովազդի օբյեկտի սահմանումը, բյուջեի պլանավորումը, արտադրանքի աղբյուրների պատրաստումը, խորհրդատվությունը, աշխատանքի հաստատումը, վճարումը։ Արտադրող/կապալառու — դիզայներական գործակալություն, ֆրիլանսեր: Կապալառուի առաջադրանքները ներառում են գովազդի համար հաճախորդների տեղեկատվության պատրաստում` սահմանված առաջխաղացման ուղիներով: Տարածող — գովազդային կամ մարքեթինգային գործակալությունն է: Մասնագետները զբաղվում են շուկայում գովազդի առաջմղմամբ։ Տարածողի պարտականությունները ներառում են փոխգործակցություն լրատվամիջոցների, գովազդային հաճախորդների, տպարանների և շուկայի այլ մասնակիցների հետ: Գովազդը ստացող — սպառողներն են, որոնց ուշադրության համար պայքարում են արտադրողներն ու գործակալությունները։ Գովազդային արշավն արդյունավետ կլինի, եթե բավարարվեն հետևյալ չափանիշները՝ ճիշտ դիրքավորում և թիրախային լսարանի առավելագույն լուսաբանում, բարձրորակ կոմերցիոն հաղորդագրության ստեղծում։ Այս ամենը պետք է որոշակի ինտենսիվությամբ հեռարձակվի լրատվամիջոցներով, համացանցով ու մամուլով։ Դիրքորոշման ճշգրտությունը ձեռք է բերվում կարիքների, թիրախային լսարանի ընտրության չափանիշների մշակման, մրցակիցներից անջատվելու և ապրանքի/ծառայության առավելությունները բացահայտելու միջոցով: Այս տվյալների հիման վրա պատրաստվում է արդյունավետ առաջարկ, որից դժվար է հրաժարվել։ Գովազդային արշավը սկսելուց հետո անհրաժեշտ է վերլուծել ներդրումների վերադարձը՝ բյուջեն ժամանակին հարմարեցնելու համար։